جمیڑیءِ روکپت

کِسّہ ءِ بارو ءَ

سرلوز : ’جیمڑی ءِ روکپت‘ ناول ءِ بُنیات یک راستیں کسہ یے ءِ سر ءَ ایر اِنت کہ دومی جنگء عظیم ءِ زمانگ ءَ جیونی ءِ کتبی نیمگ ءَ یک پئوجی اڈہ(بیس) اڈ دَیگ بوتگ اَت گْوش اَنت کہ اود ءَ یک پئوجی یے ءِ جنین آدمے ءَ وتی ڈائری نبشتہ کُرتگ، چہ’ جیونی ءِ روکپت ءِ نام ءَ ۔۔۔! اے ڈائری لہتے مردماں دیستگ ءُ ونتگ بلے اے چہ منی چمّاں تنے وھدی نہ گْوستگ ، آنکہ گْوشاں کہ ایش امریکائی نیشنل کانگریس ءِ کتابجاہ ءِ توک ءَ ھست اِنت بلے وتی امریکا ءِ دور ءِ وھداں من ءَ موقعہ نہ رست کہ ایشراں دربیاراں ءُ اے منی بزاں المیں واھگ اِنت کہ من اے کتاب ءَ کدی نہ کدی دربیار اں ءُ بواناں ۔ تنا وھدے کہ اے کتاب من ءَ دست بہ کپ اِیت من وتی پکرءُ ھیال ءِ بانزلانی سوار ھمے جنین آدم ءِ ھیالی ئیں ڈائری نوشتہ کُرتگ کہ گوں ایشی ھوار انونیں جیونی ءِ کسہ ایشی تہ ءَ مان اَنت۔۔۔ میر مولاداد ءِ کسہ راستی اِنت، وھدیکہ ایدگہ کاری ءُ کردار دراہ منی وتی اڈ داتگین اَنت یعنے وتی پکرءُ ھیال ءِ پیداور اَنت ، پمیشا بے بھکش اِت اگاں کسے ءِ دل آزاری بیت۔۔۔ شُمئے کستر شُمئے منت وار منیر احمد بادینی 25-06-2009