مکسک ءِ مرک

2 مِنٹ ءُ 48 سِکِنڈ ءَ وانَگ بیت

کِسّہ ءِ بارو ءَ

مرک ھرکسی سرءَ انت-ھر ساہدار مِریت- بلےساہ.... ساہ نہ مِریت-بِمریت کسی چے- گپ چےات-گپّ مرکءِنہ انت-گپّ زندئیگ انت-ھبر دل ایکمی یے و بے گواھی یے و زند....اگاں زندہ دل ایکیمیءُپہ بےگواھی- گڑازند چے زندے...پدءَ گپ یلہ بوت... گپّ مرک ءِ نہ انت زند ءِ زکت ئیگ انت-زند ءِ بودئیگ انت... تئی زند ءُ منی زندے- من قلم دستءَکرت-مرچی دل دارگ نہ بیت- دل ءِ درستیں زنگاں ریچاں- درستیں کوھنیں فکراں درشان کناں- بِلّ اِت کہ زمین جمب ایت-آسے جمبلوک بیت- تنکہ کس مہ گْوشیت- من بیگواھوں... بے تواروں... کس دل ایکیم مہ بیت-نوں من ءَ کس مہ دارایت-ھچ چیز من ءَ داشت نہ کنت-

مرک ھرکسی سرءَ انت-ھر ساہدار مِریت- بلےساہ.... ساہ نہ مِریت-بِمریت کسی چے- گپ چےات-گپّ مرکءِنہ انت-گپّ زندئیگ انت-ھبر دل ایکمی یے و بے گواھی یے و زند....اگاں زندہ دل ایکیمیءُپہ بےگواھی- گڑازند چے زندے...پدءَ گپ یلہ بوت... گپّ مرک ءِ نہ انت زند ءِ زکت ئیگ انت-زند ءِ بودئیگ انت... تئی زند ءُ منی زندے- من قلم دستءَکرت-مرچی دل دارگ نہ بیت- دل ءِ درستیں زنگاں ریچاں- درستیں کوھنیں فکراں درشان کناں- بِلّ اِت کہ زمین جمب ایت-آسے جمبلوک بیت- تنکہ کس مہ گْوشیت- من بیگواھوں... بے تواروں... کس دل ایکیم مہ بیت-نوں من ءَ کس مہ دارایت-ھچ چیز من ءَ داشت نہ کنت-

من قلم دست ءَ مُھر داشت-کاگز نزیک ءَ کنزینت-عینک پونزءِ وڈّءَ ایر کرت-نوں بہ دارایت باریں من ءَ-کئے منءَ داشت کنت- نوں اگاں کسےمنی پنجگاں گڈ ایت گڑا قلم دور کیت..... 

الاخوت.... پہ بدء... ھمے دم ءَ شُومّین مکسکےگوں وتی سِلّین پانچلاں چوگراب ءَ منی پونزءِسرءَنشت-چہ عینکءَگستا.... اوھے پرے بدیں ساہدار ءَ...اے ھم ساھے- ایشیءِزندچےکارءَ کیت-ابیدکہ دگرءِ دلءِ بد کنگءَبَلے بِلّے گُم بات- منی چے...اے پہ وتءَ زندگ انت... بلے شومّءَ منی دلگوش ٹگلینت-من قلم ایر کرت... ءُ پہ زھر مکسک گلّینت-

دریگتے اے شومّیں مکسک مہ بوتیں- تنے وھدی من کُجا سر بوتگ اتوں-اے وھدی چو مستیں لیڑہ ءَ درّپان اتوں-بلے دیر نہ گوستگ...اے ناروامنی ارداھاں بدل کرت نہ کنت-من پدءَ قلم دستءَکرت-عینک پد ءَ وتی جاگہ ءَ ٹھینت-کاگز دست ءَ کرت- لوزان ءَ دل ءَ درچناں کرت-ھیالاں ءَ نزّاراں کرت-اے گرانیں گپّے نہ ات-

نوں قلم ءَ کئے بہ داریت-قلم کاگز ءِ سر ءَ ایر بوت ءُ ھما دمان ءَ شپور گیت-

"اےدنیاکہ من و توئےِ تہءَایں... اےگلزمین کہ من و توئےِ سر ءَ نشتگیں-کئی انت؟.... 

ًمنی ءُ تئی.... من و تو کہ بنیادمیں... منی چنکر.... تئی چنکر...تو پہ وردن و من لنگڑ....توپہ پچ و پوشاک و من لُوچ... تئی زمین کچّ نہ بیت-من ءَ بٹکّے نیست-اے چوں....اے پرچا؟،، 

الاخوت...ھما ناروائیں مکسک پد ءَ آھت- نوں نزیک تر....قلم ءِ سُچکیں سر ءَ نشت- نوں چوکناں...ابید ایشیءِ کُشگءَ دگہ راہ نیست-دستوں چست کرت مکسک ءَ بال کرت-من دل ءَ گْوشت- تُرسِت ناں... مرک گران انت ناں-بلےچونہ ات-بلےناں تُرسگءِ ڈول ءَ نہ ات-دومی دم ءَ منی زان سر ءَ نشتگ ات-دیم پہ دیم ءَ سینگ ئےِ مِکّ ات- وتی بروتاں مرزگ ءَ ات-

"نوں من ترا زندگءَ نیلاں-تو اگاں پہ وتی کچّءَ شیوارئے-من ھم بنیادمی چُکّے اوں- من تئی ڈولیں مزار دل باز دیستگ،،من وتی دل ءَ وت گپّ جنانءَوتی کار ءِ راہ ءَ ٹھینت-چیوان چیوان ءَ کاگدوں پتات- ساریءَدوتل-پداچارتل-پدءَ ھشت تل-نوں کاگزءِدیما لٹءِچے مجال-من کاگز دستءَ کرت-دست بزر ءَ شت ترھکگے بوت-گوں کاگزءِ توارءَبےتواریں چیھالےمن چارکنڈءَ ماں پرشت-گوں ھمے توار ءَ مکسک چپی دیم ءَ کپت-,,بیا باریں گوں من کن ئے- اگاں ناں،،من پہ دلجمی گْوشت-

من وتی دلگوش پدءَگوں کاگز ءَ کرت-بلے کاگزبےڈول بوتگ ات-نوں من پدءَ فکرےءَ کپتوں-اےچےبوت-کاگزوتی جاگہءَبلےچے بوت-مکسک ءِ مرک منی دستءَ آئی ءِ ساہ- آئی ءِ ساہ پہ وت ءَ بزگ ات-من ءَ زمین جمبینکی ات- آزمان جکسینگی ات-منی کچّ ھمے بوت-

بلے نوں چوں کناں-نوں منی کاگز تچک کنگ لوٹ ایت-ھیال پدءَنزّارگی انت...لوز پدءَ رد دیگی انت... نوں انکہ کئی دست ءَ بیت ءُ پد ءَ نبشتہ پمن کپتگ-

گوں ھمے فکراں من چم بزر ءَ کرت انت- سبارگ ءِ وھدات...دلءَآھت-باریں سبارگ چے ھست-باریں چکّ چےورانت-منی دلءَ آھت منی چے-منی کارءِمتاہ چکّانی لاپءِ والینگ-منءَ گوں دگر ءِ کارءَ چے کار-,,یلہ دئے اے بے نپیں کارءَ...لاپ ءِ شوھاز کئے ءَ پہ دگہ کار ءَ کلّ ایت-نوں لھڑیں جبذگ کجا شُت انت-